Mornar u Zadru stigao do prve pobjede u gostima

Košarkaši Mornara ostvarili su prvu pobjedu na gostovanjima u ABA ligi ove sezone, a četvrtu u sezoni.

Barani su večeras bili bolji od Zadra rezultatom 71:76.

Mornar je vodio većim dijelom meča, u drugoj četvrtini imao i plus 15 kod 15:30, ali je Zadar uspio da meč uvede u neizvjesnu završnicu. Domaći su i poveli u posljednjem periodu 66:65, ali je Mornar dobrom odbranom stvorio probleme domaćinu koji je prokockao nekoliko prilika nakon konfuznih napada.

Sjajan je u završnici bio Marko Jeremić, koji je ubacio 18 poena. Gordić je uz 15 poena imao i osam skokova, a Milija Miković je dodao 14 uz šest skokova i tri asistencije.

foto: ABA

Komentariši

Vaša email adresa neće biti objavljivana.