Todorović: Velika energija, bili smo mirni

0

foto: Filip Roganović, KK Budućnost VOLI

Vladimir Todorović vodio je Budućnost do pobjede nad Splitom, nakon odlaska Petra Mijovića.

Podgoričani su večeras u Morači pobijedili rezultatom 72:58, zahvaljujuči odličnoj igri u drugom poluvremenu, u kojem su vodili i 23 razlike.

“Ušli smo sa velikom energijom i pristupom koji je bio dobar svih 40 minuta. Split je imao 10 skokova više i zahvaljujući tome vodio. Bili smo mirni i nastavili sa svojom igrom. Stvarno sam zadovoljan i želim da se zahvalim i publici. Ekipa je od samog starta trenirala fenomenalno, momci su profesionalni i nijesam iznenađen reakcijom nakon minuta i pobjedom”, kazao je Todorović.

Ističe da je tim pokazao reakciju nakon odlaska Mijovića.

“Promjena je uticala na ulaz u meč, bili smo malo iznenađeni, ali smo se konsolidovali i organizovali u oba pravca”.

“Ne bi me čudilo da nam Budućnost pošalje tortu koliko smo im pomogli. Vidjelo se da su poremećeni nakon smjene trenera i bez Wrighta. Neobjašnjiv posljednji minut poluvremena, pravili smo glupost za glupošću, raspali se. Mi smo na startu treće četvrtine promašili neke otvorene šuteve, pogubili konce, a Budućnost dobila samopouzdanje”, kazao je trener Splita Slaven Rimac.

Komentariši

Vaša email adresa neće biti objavljivana. Neophodna polja su označena sa *