Promjena u bundesligašu: Crnogorsku koloniju u Wetzlaru vodi Hrvat

Rukometaši Wetzlara dobili su novog trenera.

Selektor Hrvatske Hrvoje Horvat predvodiće tim koji je očajno startova sezonu – ekipa koja je prošle sezona bila u vrhu Bundeslige sada je tek na 15. mjestu. Imaju tek četiri trijumfa, jedan remi i 11 poraza.

Za Wetzlar nastupaju Vladan Lipovina, Radojica Čepić, te Stefan Čavor, koji se oporavlja od povrede i po ranijim najavama trebalo bi da na proljeće ponovo bude na terenu.

“Kao što mi je bio san jednog dana voditi hrvatsku reprezentaciju, tako mi je veliki cilj bio i biti trener u Bundesligi. Kao igrač sam već imao iskustvo igranja u najjačoj ligi na svijetu i znam koliko je konkurencija teška i koliko je moj posao odgovoran. Pun sam želje i uvjerenja da možemo zajedno da okrenemo tešku situaciju i da uradimo mnogo”, kazao je Horvat po potpisu ugovora.

On će u timu iz pokrajine Hese ostati do kraja sezone.

foto: HSG Wetzlar