Poklon za rođendan: Budućnost savladala Borussiju u Dortmundu!
Rukometašice Budućnosti nijesu pružile ove sezone mnogo razloga za slavlje svojim navijačima.
“Plave” su bile na tek jednoj pobjedi u 12 odigranih mečeva Lige šampiona, ali su danas, na svoj 73. rođendan, ostvarile pobjedu protiv Borussije u Dortmundu 30:34.
Budućnost je pokazala karakter, gubila je do 46. minuta utakmice, imala i minus tri, a onda serijom 6:1 od 23:20 došla do 24:26. Od tada nije ispuštala prednost, tim iz Njemačke se vratio do 30:31, ali je golom Matee Pletikosić taj nalet odbijen, za trijumf kojim ekipa Bojane Popović dolazi na sedmo mjesto A grupe. Posljednja je Podravka sa jednom pobjedom i utakmicom manje.
Sjajan meč odigrala je Valeria Maslova sa deset golova, sedam je postigla Vukčević, po šest Pavićević i Pletikosić.
foto: ŽRK Budućnost
