Pao još jedan bivši prvak Evrope: SC Derby lako pobijedio Cibonu za treći trijumf u ABA ligi

foto: ABA

SC Derby srušio je još jednog bivšeg šampiona Evrope. Nakon trijumfa u Splitu, “studenti” su večeras u Morači pobijedili i dvostrukog prvaka Evrope iz Zagreba, ekipu Cibone rezultatom 93:87.

Ne samo da su pobijedili, već su gotovo cijelo drugo poluvrijeme imali dvocifrenu prednost protiv tima koji je u prva četiri kola upisao tri pobjede.

Izabranici Andreja Žakelja na poluvremenu su imali 47:37, treću četvrtinu otvorili serijom 11:2 i već tu riješili meč.

Prišla je Cibona tek u posljednjih dva minuta na jednocifren za ostatak, stigla i do 90:85 nakon serije 8:0, koševima Vildoze i na 91:87, ali je Vinales sa dva pogođena bacanja riješio pitanje pobjednika.

Blistao je upravo Vinales, koji je ubacio 32 poena i pet asistencija za indeks 30. Slavković je dodao 15, Magee 13, a Kamenjaš 12 poena i sedam skokova.

SC Derby nakon pet kola ima tri pobjede i dva poraza, a sva tri trijumfa ostvario je protiv hrvatskih timova.

U narednom kolu, SC Derby gostuje Krki.

Komentariši

Vaša email adresa neće biti objavljivana.