Pavićević: Bitna pobjeda za nas na početku lude lige

mihailo pavicevic

Košarkaši Mornara startovali su pobjedom, kako su i sami najavili, “istorijsku” sezonu. Barani su bili bolji od Cibone u Zagrebu 88:92.

„Želio bi pozdraviti domaćine, naše drage prijatelje iz Košarkaškog kluba Cibona. Žao mi je što je neko morao da izgubi večeras. Bitna pobjeda za nas. Početak lige, po svim predviđanjima vrlo kvalitetne, lude lige, vrlo ujednačene”, bile su prve impresije stratega Mornara Mihaila Pavićevića.

Šef “ponosa Bara” kazao je da je Cibona ozbiljan protivnik, ali da se isplatila strategija sa skraćenom rotacijom.

“Cibona je i prošle godine u pripremnom periodu igrala jako dobro, vidio sam da su na Superkupu protiv Budućnosti takođe igrali jako dobro i znali smo što nas čeka. Stisli smo redove u pravom trenutku.  Otišao sam na jedan rizik koji se zove maksimalno skraćena rotacija, a na kraju se i isplatio. Nadam se da neću biti prisiljen da to opet radim. Čestitam mojim igračima na vrlo bitnoj pobjedi na početku ABA lige”, zaključio je Pavićević.

foto: ABA

Komentariši

Vaša email adresa neće biti objavljivana.