Sutjeska u Čapljini do druge pobjede, slijedi turnir sa ABA 2 rivalima u Širokom Brijegu

Košarkaši Sutjeske ostvarili su pobjedu i u drugom pripremnom meču. Izabranici Zorana Glomazića su u Čapljini savladali istoimenu ekipu rezultatom 79:69.

Ponovo je strateg Nikšićana pružio šansu svim igračima u rosteru, a igra raduje pred početak izazova u domaćem šampionatu i ABA 2 ligi.

Sutjeska će nakon pobjede nad Teutom i Čapljinom 13. i 14. septembra igrati na Memorijalnom turniru u Širokom Brijegu, gdje će pored domaćina Širokog učestvovati i Split i OKK Sparsi. Svi klubovi su članovi ABA 2 lige.

Sutjeska u polufinalu igra sa Splitom u petak, dok su meč za treće mjesto i finale na programu dan kasnije.