Bostonov prioritet je Vučević!
Posljednji dan juna znači početak pregovora sa slobodnim agentima u NBA-ju, a naš Nikola Vučević velika je želja Boston Celticsa.
Vučević bi trebalo da zamijeni Al Horforda, za kog se očekuje da dobije veliku ponudu nekog drugog tima ovog ljeta.
“Stadium“-ov Shams Charania navodi da su Celticsi odlučili da se fokusiraju na dovođenje Vučevića, te zadržavanje Terryja Roziera.
[wp_ad_camp_1]
“Masslive.com” piše da se Vučević istakao u prošloj sezoni prije svega ofanzivnom igrom, sa u prosjeku 20.8 poena i 12 skokova po meču, uz 36.4 posto uspješnosti šuta za tri poena.
Od “Vuča” se očekuje da dobije ugovor približan maksimalnom, što mu Boston može ponuditi nakon odlazaka veterana.
Crnogorski košarkaš želi kompetitivan klub, a uz petorku Rozier, Jaylen Brown, Jayson Tatum, Gordon Hayward i Vučevića, Celticsi bi bili veoma ofanzivan tim.
Američki mediji navode i da je Boston uz ostanak u Orlandu najrealnija opcija za našeg “All-star” centra.
foto: NBA, Orlando
